Улс төрөөс Урлагруу хальтрагч №3 Лу.Гантөмөр дуу гаргалаа

Сонгууль болох сургаар Урлагаас Улс төрд орох залуусын цуваа үүсч зарим нь бүр дэвших тойрогоо зарлаж сурталчилгааны ажилдаа ороод байгаа. Тэгвэл Улс төрчдөөс Урлагруу хальтирах үзэгдэл сүүлийн үед олноороо гарах боллоо. УИХ-ын гишүүн асан Л.Гүндалай - Монголоороо байгаасай дууг хулгайлан дуулж шуугиан тариад авсан бол УИХ-ын гишүүн Г.Уянга дуучин Ноён Бондгортой хамтран - Чи бидэн хоёр хэмээх дууг дуулсан. Тэгвэл №3 дахь хальтрагч нь БСШУЯ-ны сайд Лу.Гантөмөр Эмэгтэйчүүдийн баяраар ээждээ зориулан Эхийн тухай дууг дуулжээ.

Тэрээр хэлэхдээ: "Хайранд нь хүн байтугай хорвоо бүхэлдээ уярдаг элбэрэлт ээжүүд, эрхэмсэг бүсгүйчүүддээ эмэгтэйчүүдийн эрхийг хамгаалах өдөр, эмэгтэйчүүдийн баярын мэнд дэвшүүлье. Төрийн соёрхолт, зохиолч П.Пүрэвсүрэнгийн үг, хөгжмийн зохиолч Ч.Нянгарын ая Эхийн тухай дуугаар та бүхэндээ мэндчилье." гэжээ.