Хотын даргыг сандаргасан “нэгжлэг”

Өнгөрсөн даваа гарагт Эрүүгийн цагдаагийн газрын Эдийн засгийн гэмт хэрэгтэй тэмцэх хэлтсийнхэн “Баянгол” зочид буудал дахь УИХ-ын гишүүн Х.Баттулгын хувийн албан өрөөнд нэгжлэг хийсэн билээ. Энэ тухай мэдээлэл 16:00 цагт цахим сүлжээгээр тархсан бөгөөд улс төр, спортынхон төдийгүй хотын дарга хүртэл  Баянгол зочид буудлын гадаа ирсэн юм.

Нийслэлийн Засаг дарга Э.Бат-Үүл "Нэгжлэгийг яагаад тусгайхан хийдэг юм. Хуулиар хэн нэгэнд нэгжлэг хийх гэж байгаа бол прокуророос зөвшөөрөл авсны дараа хийдэг юм. Би сошиалаар мэдээд ирлээ. Баттулга байна уу” гэсээр “Баянгол” зочид буудлын арын хаалгаар дотогш нэвтэрсэн юм. Хотын даргыг аүртэл сандаргасан эл нэгжлэг хуулийн хүрээнд явсан хэмээн ЦЕГ-аас мэдээлэл хийсэн.