Ардын урлагийн гайхамшгийг дэлхийд таниулж яваа удирдаач

Үндэсний дуу бүжгийн эрдмийн чуулгын ерөнхий удирдаач Н.Буянбаатар нь ардын урлагийн гайхамшгийг дэлхий дахинд таниулахад хувь нэмрээ оруулж яваа авьяаслаг уран бүтээлч юм. Тэрээр саяхан болсон киноны нээлтэд ийнхүү манай дуранд өртсөн.

Дэлхийн олон оронд ардын урлагаа сурталчлан таниулахын сацуу эх орондоо ирсэн жуулчид, зочид төлөөлөгчдөд соёлын өвөө сонордуулан байгаа тэрээр хэтэрхий даруухан нэгэн. Тэрээр 2001 онд Соёлын тэргүүний ажилтан цолоор энгэрээ мялаасан бөгөөд өдгөө ч энэ цолоороо дуудуулсаар яваа.

Тэрээр 2006-2010 онуудад БНСУ-д тоглогдсон "Монголын сайхан орон" Үндэсний Их найрал хөгжмийн концерт, Их Монгол Улс байгуулагдсаны 800 жилийн ойн хүндэтгэлийн концерт, Ардын хувьсгалын ойн хүндэтгэлийн концертуудад, Ардчилсан хөдөлгөөн үүсч хөгжсөн 20 жилийн ойн хүндэтгэлийн концерт, Монголын тулгар төр байгуулагдсаны 2220, Их Монгол Улс байгуулагдсаны 805, Ардын хувьсгалын 90 жил, Үндэсний эрх чөлөөний хөдөлгөөний 100 зэрэг ойн концертуудыг удирдан тоглуулсан авьяаслаг удирдаач юм. 

Хийсэн бүтээсэн ихтэй ч эгэл даруухан удирдаачийг бид энэ удаад онцоллоо.