Б.Эрдэнэцэцэг урлагтаа зүтгэсээр явна

Жүжигчин Б.Эрдэнэцэцэг залуу насаа театрын тайзан дээр өнгөрүүлж, уран бүтээлээс өөр юуг ч бодохгүй явсан гэдэг. Кино, жүжгийн олон сайхан дүрээрээ үзэгч олны талархлыг хүлээсэн царайлаг бүсгүй тухайн үед цөөнгүй хэдэн эротик дүрд тоглоод авсан удаатай. Нүцгэн авахуулсан зураг нь хүртэл хэвлэлээр дэлгэгдэхэд тоогоогүй тэрбээр өөрийн зохиосон дууны шүлэг, жүжгийн зохиолоо бодит амьдрал дээр хэрэгжүүлсэн чадварлаг уран бүтээлч гэгддэг.

Харин өдгөө тэрээр төрөлх театраа орхин бие даасан уран бүтээлч хэмээн цоллуулах болсон. Гэхдээ тэрээр театраасаа гараад урлагаас холдоогүй. Мэргэжил нэгт нөхдийнхөө хамт урлагтаа зүтгэсээр яваа бөгөөд саяхан болсон киноны нээлтэд ийнхүү манай дуранд өртсөн юм.