Ё.Отгонбаяр гишүүн хуулиа зөрчив

УИХ-ын гишүүн Ё.Отгонбаяр саяхан Соёлын төв өргөөнд болсон нэгэн арга хэмжээнээс гарангуутаа л янжуур зуун асааж байгаа нь манай дуранд өртөв. Уг нь цагтаа Боловсрол, соёл, шинжлэх ухааны сайдаар ажиллаж байсан тэрээр тамхины хяналтын тухай хуулиа мэддэг л байлтай.

Уг хуулиар олон нийтийн газарт утаат тамхи татахыг хориглоно хэмээн заасан байдаг.  Харин тэрээр ийнхүү хуулиа ул болгон сэжим ч үгүй гашуун утаа сорон зогсов. Энгийн иргэн эл хуулийг биелүүлээгүй тохиолдолд 50 мянган төгрөгөөр торгох заалттай. Тэгвэл УИХ-ын гишүүн хууль зөрчихлөө. Түүнд хэн хариуцлага тооцох вэ.