“Take off” эргэн нэгджээ

Анхлан “Цасан дээр” дуугаараа олноо танигдах болсон “Take off” хамтлаг нэг хэсэгтээ л уран бүтээлийн ажилдаа эрчимтэй байж гаргасан дуунууд нь хит болж байсан “Мартахгүй”, “Гүнж”, “Тэнгэр ээж” зэрэг дуугаар нь хүмүүс илүү мэднэ. Урын сандаа чамлахааргүй уран бүтээлтэй, эвлэгхэн дуулчихдаг энэ хөвгүүдийн хувьд нэг хэсэг залуусыг бас л “шууруулаад” авсан хамтлаг. 

Гэсэн ч тэд хувь, хувийнхаа мөрийг хөөж уран бүтээлийн ажлаа орхисон. Баясук нь цэнхэр дэлгэцнээ үзэгдэх болсон бол Баагий нь хувийн бизнес эрхэлж, Сүхээ нь гадаадад ажиллаж, амьдарч, Наагий нь хувьдаа студио байгуулсан.

Тэгвэл фенүүдэд нь дуулгах таатай мэдээ байна. Тэд эргэн нэгдэж тун удахгүй тоглолтоороо бэлэг барина гэсэн шүү. Энэ удаад манай дуранд “Take off” хамтлагийн ахлагч Сүхээ гэргийнхээ хамт гэгээн хайрын баяраар баярлаж байгаад  ийнхүү өртсөн юм.