Г.Ариунболдыг эргүүлэн томилсон асуудлаар Төрийн албаны зөвлөлд шаардлага хүргүүллээ

УИХ-ын эмэгтэй гишүүдийн төлөөлөл Төрийн албаны зөвлөлд шаардлага хүргүүллээ. Учир нь өөрийн ажилтан эмэгтэйтэй зүй бусаар харьцаж, хүчирхийлсэн хэрэгт шалгагдаж буй Баянчандмань сумын Засаг даргын Тамгын газрын дарга Г.Ариунболдыг эргэн ажилд нь томилсон байна.

Энэ асуудалтай холбоотойгоор УИХ-ын гишүүн Ц.Оюунгэрэл МАН-н дарга М.Энхболд цагаан сараар золгох зуур Баянчандманьд хүчирхийллийн хэргийн хамсаатныг төрийн албанд эргүүлэн томилсон тухай өөрийн цахим хуудсаар дамжуулан олон нийтэд мэдээлсэн. Харин өнөөдөр Г.Ариунболдтой холбоотой асуудлаар УИХ-ын гишүүн Ц.Оюунгэрэл, Л.Эрдэнэчимэг нар Төрийн албаны зөвлөлд шаардлага хүргүүлжээ.