“Атганд үлдсэн эрдэнэ” Америкийн кинотеатруудад гарахаар болов уу

Дэлгэцийн дөрөв дэх бүтээлээрээ үзэгч фэнүүдтэйгээ уулзахаар зэхэж байгаа “Хувьсал” продакшины уран бүтээлчид сонирхуулах зүйл ихтэй явна. “Атганд үлдсэн эрдэнэ” киногоо   ирэх сарын 5-нд үзэгчдэд хүргэх гэж буй жүжигчид шинэхэн бүтээлээ АНУ-д гаргах онцгой эрх авсан аж.

Ихэвчлэн гэнэн томоогүй, хөгжилтэй нэгний дүрээр үзэгч олонтойгоо уулздаг жүжигчин А.Ганчимэг эрэгтэй хүний дүр бүтээж, өөрийгөө эвдсэн энэхүү кино үзэгчдийн дунд хүлээлт үүсгээд байгаа юм. Тэрбээр өөрийн цахим хуудсандаа “Атганд үлдсэн эрдэнэ” кино маань MPAA буюу AНУ-д гарах онцгой эрхээ авсан шүү. Багийхандаа баяр хүргэе” хэмээн оруулсан аж.

Үзэгчдийн дунд хүлээлт үүсгээд байгаа энэхүү киноны трейллер хэдийнэ цацагдсан бөгөөд авьяаслаг жүжигчид ч чамгүй олон сюрприз зэхээд тун чиг завгүй яваа сурагтай.