Даргын даруухан гоёл

МАХН-ын дарга Н.Энхбаяр сар шинийн 1-нд намынхаа байранд нөхдийн хамт өргөн золголт хийв. Дарга журмын олон нөхдөө ийнхүү нэг дор урьсан ч учиртай гэнэ. Тэрээр энэ өдөр Монголын ногоон намтай ирэх сонгуульд хамтран ажиллах санамж бичигт гарын үсэг зурсан аж.

Түүнчлэн сонгуулийн жил учраас намын дэмжигч, гишүүдтэйгээ ийнхүү илүү ойр өргөн дэлгэр сар шинээ тэмдэглэжээ.  Тэрээр энэ жилийн цагаан сараар үндэсний уламжлалт хэв маягийг хадгалсан энгийн монгол дээл, малгайгаар гоёжээ. Харин түүний дээлийн бүс их л сонин загвартай байсан бөгөөд дээлийн материалтайгаа өнгө ижилсүүлэн дээр нь гурван шилбэ эгнүүлэн урлажээ.