Д.Дагвадорж аваргын зартай хөөрөг

Цагаан сар дөхөх үед хөөрөгний үнэ цэнэ, өнгө үзэмж ид яригддаг. Монголчуудын хувьд амар мэндээ мэдэн хөөрөг солилцон тамхилах ёс дээр үеэс бий болжээ.Хөөрөг нь хөгжлийнхөө явцад тухайн хүнийхээ зэрэг дэв, зиндааг тодорхойлдог хэрэгсэл болдог.Монгол хөөрөг хийц загварын хувьд хятад юм уу бусад улсын хөөрөгнөөс ялгагдах онцлогтой болсон байдаг. Ерөнхийдөө өнөөгийн хөөрөгний зах зээлд үүх түүхтэй гэгддэг хөөрөгнүүдийн ихэнх нь эзнээ олсон аж.

Японы сумогийн 68 дахь Их аварга Д.Дагвадоржид Манлай ван Дамдинсүрэнгийн хөөрөг хадгалагдаж байна. Манлай ван Дамдинсүрэнгийн харлаг манан хөөрөг өнөөдөр Их аварга Д.Дагвадоржид хадгалагдаж байна. Эртний түүхтэй, бас дайчин вангийн эдэлж хэрэглэж байсан эд гэдгээрээ зартай энэ хөөргийг тэрбээр олон жил үе дамжуулан хадгалсан нэгэн буурлаас чамлахааргүй өндөр үнэ төлж байж худалдаж авсан гэнэ.