Л.Гүндалайд соёлын гавьяат зүтгэлтэн шагнал олгоно

УИХ гишүүн асан, Ард түмнээ хайрлая намын дарга Л. Гүндалай сүүлд өөрийн цахим хуудсаар "Монголчууд Монголынхоо эзэн нь байгаасай" хэмээн уриалан дуудаж, эх орныхоо төлөө гэсэн чин хүсэл эрмэлзлийг төрүүлж омогшуулсан Өвөрмонголд хит болж буй, хөгжмийн зохиолч Баянгийн ая "Монголоороо байгаасай" уран бүтээлийг сонгон авч дуулж, клипжүүлэн цацаж, цахим ертөнцөд төдийгүй иргэдийн дунд нэлээд шуугиан дэгдээсэн сэдэв болоод байна. Учир нь "Монголоороо байгаасай" дууны клип цацагдсан даруйд 300,000 хүн үзэж, 4000 цааш түгээж, 4100 хүнд таалагдсан бол 2000 гаруй хүн сэтгэгдэл үлдээсэн. Урд нь мэргэжлийн дуучдын уран бүтээлч төдийлөн ийм хандалт авч байгаагүй учраас сошиал ертөнцөөр “Бүхэл бүтэн цомог гаргасан зарим дуучин олон нийтийн анхаарлыг ингэж татаж чадаагүй. Харин Л.Гүндалай ганц дуу дуулаад л ингэж том сенсааци дэгдээлээ. Тиймээс түүнд соёлын гавьяат зүтгэлтэн шагнал олгох хэрэгтэй” гэсэн шуум хүртэл яваад амжсан байна.

Б.Төгөл