Б.Ичинхорлоогийн “луун шивээст” дээл

Хаанаас ч юм бэ гэнэтхэн яруу найргийн тайзнаа заларч “Болор цом”-ыг хэдэнтээ дайлсан билэг танхай яруу найрагч бол Баярхүүгийн Ичинхорлоо. Улаан хацартай жоохон охины ертөнцөд бүх монгол бардамналтайгаа, бүргэдтэйгээ, эр хүнтэй юутай хээтэйгээ багтдагийг үзүүлсэн.  

Тэр охин найрагч эмэгтэйн романтизм, монгол эмэгтэйн бардам зан, нийгэмд өөрийгөө гэсэн ертөнцөө тунхаглах тод мөр үлдээсээр гоо сайхан бүсгүй болон өсөж торнисон. Нэг тэрс зан нь хөдлөөд таталсан болов уу гэмээр “Намрын Хүүхэн” хэмээх шүлэг нь өөрийгөө эрхэмлэх, зөвших хандлагаар голдуу бичигддэг яруу найраг дахь хэвшсэн эмэгтэй дүрийн дунд эрхгүй ялгарах мөртүүдтэй.

Тэрээр энэ удаад “Болор цом” наадамд луун шивээст дээлээр гоён ирж тухалсан юм.