Түүх бүхний анхдагч Г.Өсөхбаяр

Монгол Улсын Гавьяат тамирчин, ОУХМ, уулчин Г.Өсөхбаяр монголын уулын спортын түүхэнд олон амжилтын анхдагч болон өөрийн нэрийг тодоос тодоор сийлэн үлдээсэн. Тэрээр Эверестийн ноён оргилд эх орныхоо далбааг мандуулж чадсан анхны Монгол уулчин. Энэ амжилтаа ч дахин давтаж чадсан. Түүний Эверестийн орой дээр мандуулсан монголын далбаа одоо Монгол Улын Ерөнхийлөгчид хадгалагдаж байдаг.

Г.Өсөхбаяр гавьяат монголын салбар салбарт сор болсон залуусын хамт “Дэлхийн монголчуудын глобал нийгэмлэг”-ийн гишүүн бөгөөд өнгөрсөн арванхоёрдугаар сард болсон “Монгол туургатны боксын анхдугаар наадам”-д шагнал гардуулан оролцсон. Тэд олон ажлуудыг хийхээр төлөвлөөд байгаа бөгөөд тэрээр ч нийгэмлэгийнхээ аливаа арга хэмжээнд гар бие оролцдог юм.