Хөлөгөө дахин тайзнаа гарав

“Люмино” хамтлагийн үүсгэн байгуулагчдын нэг реппер Хөлөгөөг олон хүн санаж байгаа. “Mr.Dogs” хамтлагт дуулж байх үедээ хэрэг хийж, нарсны цаана орсон түүний араас олон найз нөхөд нь харамсаж, халаглаж суусан. Залуу цагийн ааг омгондоо дийлдэж, амьдралдаа арилахааргүй хар толбо үлдээсэн ч “эр хүний замын хүзүү урт” гэдэг шиг тэрээр олон зүйл хийж, бүтээхээр төлөвлөөд байгаа.

Ийнхүү Монголын хип хопын хөгжилд гар бие оролцсон Хөлөгөөг бид дурандлаа. Тэрээр өнгөрсөн жил “Люмино” хамтлагийн тоглолтод хамтлагийнхантайгаа тайзнаа гарч гэнэтийн бэлэг барьсан бол энэ удаад өнгөрсөн долоо хоногт “Крокус”-т болсон хип хопчдын “PumpBEATS” тоглолтод “Mr.Dogs” хамтлагийнхантайгаа дахин тайзнаа гарч бут авлаа.