Чингэлтэй дүүргийн Засаг дарга хорооны дарга нараа дагуулан Европоор аялаж явна

Улс орны эдийн засаг хүндэрч, төсөв санхүүгийн хямралд өртсөн нөхцөл байдал  эрх мэдэл, албан тушаалтай зарим дарга нарт огт падлийгүй хэрэг бололтой. Ингэж хэлэхийн учир нь Чингэлтэй дүүргийн Засаг дарга Д.Ганболд гэх нөхөр дүүргийнхээ зарим хороодын Засаг дарга нарыг дагуулан Турк болон Европын улс орнуудаар аялуулж яваа гэнэ. Д.Ганболдын хувьд Чингэлтэй дүүрэгт сүүлийн 6 жил ажиллаж байгаа. Гэтэл энэ дүүрэгт олны нүдэнд өртөх бодитой хөрөнгө оруулалт хийгдсэнгүй.

Д.Ганболд 2012 оны сонгуулииар дүүргийнхээ  МАН-ын залуучуудыг дэмжинэ, туслана гэж   ажиллуулчихаад, сонгуульдаа ялж албан тушаал авангуутаа,  тэднийг танихгүй хүн мэт авирладаг,  өөрийг нь биш асуудалд шүүмжлэлтэй хандсан залуусыг өчиггүй ажлаас халж, Чингэлтэй дүүргийг өөрийн хаант улс мэт захирч байгаа гэнэ билээ.

Дээр нь энэ дүүргийн ИТХ-ын даргаар өмнө нь НАЗГ-ын даргаар ажиллаж байсан Дамжингийн Бат-Эрдэнэ гэх хуурамч нэр, дипломтой нөхөр удирдаж байна. Чингэлтэй дүүргийн ИТХ-ын дарга Д.Бат-Эрдэнэ, Засаг дарга  Д.Ганболд нар   2012 оны сонгуулиар  МАН-д итгэл үзүүлсэн Чингэлтэйчүүдийн  итгэлийг дахиж сэргэхгүй болтол нь алдаж байгаад МАН-ын удирдлага анхаардаггүй юм байх даа. Тэд төсвийн мөнгийг хувийнхаа сонгуулийн сурталчилгаанд ийнхүү аль  хэдийнээ зарцуулаад эхлэсэн бололтой.

Тэднийг ингэж дураараа авирлаж байгаа  үйлдлийг  шалгаж тогтоодог газар гэж байна уу?