Твиттерчдийн тэмцээний “Алт”-ын эзэд

Реппер Gee урлаг спортод элэгтэй нэгэн. Тэрээр бодибилдинг болон сагсан бөмбөгийн хорхойтон. Урлагийнхан спортоос ангид мэт ойлгож явдаг залууст тэрээр өөрийн биеэр үлгэрлэн өөрийн биеэр байгаа билээ. Тэгвэл сагсан бөмбөгийн хорхойтон маань өнгөрсөн амралтын өдөр твиттерчддийн тэмцээнд багаараа алтан медаль хүртжээ. Тэрээр фейсбүүк хуудаснаа “Твиттерчдийн сагсан бөмбөгийн тэмцээнд түрүүлсэн алтан медаль, цомын эзэд” хэмээн гэрэл зургийн хамт постолжээ.

Сонирхуулахад, түүний “Найзууд” багийнхан ийнхүү хоёр дахь жилдээ финалд тунан үлджээ. “Найзууд” багт “ТВ Коктейль” хамтлагийн жүжигчин Цоомоо, “Ньюс агентлаг”-ийн гүйцэтгэх захирал Г.Анархүү, Ийгл телевизийн спортын нэвтрүүлгээр олны танил болсон спортын хөтлөгч Г.Идэр-Ууган, Ялалт зэрэг олны танил эрхмүүд багтдаг аж.