Дагваа аварга чөлөөтийнхөнийгөө дэмжив

Монголын чөлөөт бөхийн холбооны ерөнхийлөгч, Асашёорюү Д.Дагвадорж өнгөрсөн амралтын өдрүүдэд Буянт-Ухаа спорт цогцолборт чөлөөтийнхөнийгөө дэмжсэн юм. Тэрээр тэмцээний турш тун ч идэвхтэй барилдаануудыг үзэж байлаа.  Аварга тэмцээний эхний өдөр эмэгтэй 48 кг-ын жинд түрүүлсэн олон улсын хэмжээний мастер Ц.Намуунцэцэгт Япон улсад их сургуульд дасгалжуулагчийн мэргэжлээр суралцах урилга гардуулсан нь гэнэтийн бэлэг байлаа.

Мөн түүний хамт ЭМСЯ-ны төрийн нарийн бичгийн дарга С.Ламбаа, МЧБХ-ны дэд ерөнхийлөгч, нийслэлийн Засаг даргын орлогч Н.Гантөмөр, УИХ-ын гишүүн Д.Сумъяабазар  нар шагнал гардуулах ёслолд оролцсон юм.