С.Чимгээгийн “Алтлаг гоёл”

Орой бүр айл бүрийн хойморт заларч, цэнхэр дэлгэцээр уулздаг нэвтрүүлэгч С.Чимгээ “Авьяаслаг Монголчууд” шоуны шүүгчээр ажиллан олны дунд өөрийнхөө рейтингийг улам өсгөсөн билээ. Урлаг, соёл улс төрийн томоохон арга хэмжээг төвөггүйхэн хөтлөн хүргэдэг түүнийг чамгүй өндөр ханштай  хөтлөгч ч гэдэг.

Тэрээр 2015 оны отгон наадам “Алтан сарнай”-г хөтөлж байхдаа манай гэрэл зурагчны дуранд ийнхүү өртсөн юм. Олон жил үндэсний телевизийн нүүр царай болж байсан тэрээр гадаад үзэмждээ тун ч анхаардаг нэгэн. Тэр ч утгаараа аливаа арга хэмжээнд донжийг нь олон хувцасладаг тэрээр энэ удаад улбар шар даашинзаа алтлаг хүзүүний зүүлттэй хослуулан гангарчээ.