Авьяас дагаж эрэлт өснө

“ТВ Коктейль” хамтлагийн жүжигчин Э.Цолмонбаяр буюу Цоомоо жил жилийн шинэ жилийн баяраар хамгийн эрэлттэй хөтлөгчдийн нэг байдаг билээ. Учир нь тэрээр баяр, цэнгүүнийг зүгээр нэг ёс төдий хөтлөөд байдаггүй бөгөөд ирсэн зочдыг хөгжөөн доргиож аливаад давс, хужрыг нь час хийтэл тааруулчихдаг авьяаслаг жүжигчин юм.

Тэр ч утгаараа ямар ч арга хэмжээг төвөггүйхэн хөтөлж, уригдсан зочид, чуулсан олныг  хамгийн сайн холбон уур амьсгалыг дээд цэгт нь тулгадаг учраас Цоомоогоор шинэ жилээ хөтлүүлэх гэсэн олны эрэлт оволзсоор л байгаа гэнэ. Жүжигчин Цоомоо үдэш бүр шинэ жилийн баярын цэнгүүн хөтлөг урилгад дарагдан тун ч зав муутай яваа гэсэн шүү. Авьяас дагаж эрэлт өснө өө гэж.