Ж.Чингис Минжээг дэмжсээр байгаа

Зууны манлай дуу “Халуун элгэн нутаг”-ийг дуулж амьдруулсан ОХУ-ын Буриад улсын ардын жүжигчин Д.Жаргалсайхан агсны хүү Ж.Чингис  нэг хэсэг аавтайгаа хамтран “Халуун элгэн нутаг”-ийг, дуучин Минжээтэй хамран “Дөрвөн улирал хоёр амраг”-ийг дуулж олны хүртээл болгон, урлагийн ертөнцөд өөрийн гэсэн өнгө төрхөө тодорхойлж байсан. 

Гэвч аргил хоолойтой авьяаслаг дуучин маань тун удалгүй урлагаасаа холдон Оюутолгойд ажиллаж эхэллээ гэж байсан ч тэрбээр урлаг соёлын салбараасаа холдоогүй юм. Учир нь Ж.Чингис маань одоо Оюутолгой төслийн соёлын өвийг хамгаалах чиглэлд ажиллаж байгаа аж. Мөн тэрээр саяхан болсон Минжинсорын тоглолт дээр хамтрагчаа дэмжин ирж оролцсон юм .