Дуучин Эрка аяганы ард нуугдав

Нефтийн инженер мэргэжилтэй хэдий ч рок попын тайзнаа тачаангуй төрх, эротик үгстэй халуухан дуунуудаараа олонд танигдсан дуучин Г.Эрдэнэчимэг буюу Эрка нөхөрт гаран ээж болоод удаагүй билээ. Тэрээр дуулахаас гадна жүжиглэх авьяастай бүсгүй. Богино хэмжээний хэд хэдэн киноны дүрээрээ найруулагчдаас өндөр үнэлгээ авсан тэрбээр телевизийн олон ангит кинонд ч мөн тоглоод амжсан.

“Акапелла” хамтлагийн шинэхэн гишүүн болоод байгаа дуучин Эрка олны танил эрчүүдтэй хэвлэлээр нэр холбогдох нь их байдаг ч, удаан хугацаанд үерхсэн найз залуутайгаа нэг гэрт орсон гэдэг. Ээж болсон Эрка томоохон арга хэмжээний урилгаас татгалзан олны нүднээс нууцхан амьдарч яваа. Харин тэрээр саяхан болсон нэгэн тоглолт дээр зочлон ирсэн ч гэрэл зурагчдын дурангаас нуугдан барьж суусан аяганыхаа ард нүүрээ нуун байлаа.