М.Оргил монголын киночдын гарцыг зассаар

Жүжигчин, продюсер М.Оргил Холливудад драмын урлагийн академи дүүргэн эх орондоо ирж нэг хэсэг ССАЖ-ын яаманд төрийн алба хашиж байсан билээ.

Тэрээр сүүлийн үед монголын жүжигчдийг Холливудын кинонд тоглоход нь гүүр болон холбож байгаа юм.

 Оргил алдарт “Netflix” компани өөрийн шилдэг бүтээлүүдийн нэг болох “Marco Polo” киноны үргэлжлэл буюу хоёрдугаар хэсэгт тоглох монгол жүжигчдийн багийн сонгон шалгаруулалтаас эхлээд зураг авалт нь дуустал хамтдаа зүтгэсэн.

 Монголын киноны хуулийн төслийг анх эхлүүлэхэд чамгүй үүрэг гүйцэтгэсэн тэрээр кино урлагтай холбоотой арга хэмжээг алгасахгүй оролцдог. Энэ удаад Монгол киноны түүхт 80 жилийн ойн арга хэмжээнд Оргил гэргийн хамт оролцсон юм.