Ники Минаж ахынхаа төлөө 100 мянган ам.долларыг төлжээ

Эмэгтэй репперүүд дундаа хамгийн алдартай нь болох Ники Минажийн ах 12 настай охиныг  хүчиндсэн хэрэгт сэжиглэгдэн баривчлагдсан билээ. Тэгвэл дуучин бүсгүй ахынхаа барьцааны мөнгийг төлсөн тухай эх сурвалж мэдээллээ.  

Түүний ах Желани Мараж энэ сарын 3-ны өдөр энэ оны 4-11  сар хүртэлх хугацаанд хэд хэдэн удаа 12 настай охиныг хүчиндсэн хэрэгт сэжиглэгдэн баривчлагдсан юм. Гэвч тус өдөр Ники Минаж 100 мянган ам.долларын барьцааны мөнгийг төлж, ахыгаа батлан даалтад гаргасан тухай "Page six” сэтгүүл мэдээлсэн байв. Ники, Желани нар сайн харилцаатай байдаг бөгөөд ахынхаа хуримын ёслолд ч Ники Минаж оролцож байсан гэх.

Түүнчлэн 30 мянган ам.долларын хурмын зардлыг нь төлсөн гэсэн мэдээлэл ч байгаа юм. Реппер бүсгүй ахынхаа хуримын ёслолын үеэр авхуулсан зургаа өөрийн инстаграмм хуудастаа дэлгэж "Ахдаа үнэхээр их хайртай шүү. Таныхаа инээмсэглэсэн царайг харахыг тулд дүү нь юу ч хийхэд бэлэн” хэмээх тайлбарыг  зүүж байсан удаатай. 

Б.Даваа