Топ модел Х.Бадамгэрэлийн халамжит хань

“Miss Mongolia-2008” тэмцээний тэргүүн мисс, загвар өмсөгч Х.Бадамгэрэл “Andra management” загварын агентлагаа байгуулан “Miss & Model-2013” фестивалийг нөхрийнхөө мөнгөөр амжилттай зохион байгуулж байсан билээ.

Түүний нөхөр нэг хэсэгтээ л залуусын дунд  хит болоод байсан “Зөвхөн чамайг хайрлая” дуугаараа олны танил болох шахсан дуучин Becky буюу Г.Мөнхбаяр “Оюу Толгой” компанид ажилладаг багагүй орлоготой нэгэн гэсэн. Дээрээс нь “нам дагавал ам тосодно” гэгчээр МАН-ын залуучуудын холбоонд идэвхтэй гишүүн хийдэг гэнэ.

Топ модел эхнэрийнх нь хэлснээр танихгүй хүнд бол их зантай юм шиг харагддаг өөртөө итгэлтэй, хийе гэсэн ажлаа хийж чаддаг,  эрч хүчтэй, зорилготой Г.Мөнхбаяр багагүй бизнес ухаантай гэдгээрээ ойр дотнынхондоо ч ихэд хүндлэгддэг юм билээ.

Гэхдээ тэрээр гэргийгээ халамжаараа дутаадаггүй бөгөөд хаа ч явсан түүнийг дэмжин хамтдаа байдаг юм.