Хүүхдийг хэрцгийгээр зодсон цэцэрлэгийн багшийн бичлэг цацагдлаа

Цэцэрлэгийн багш хүний нялх үрийг хүүхэд хооллож байхдаа зодож байгаа камерын бичлэг өчигдөр цахим ертөнцөөр шуугиан тарьж эхлэв. Тодруулбал, Дундговь аймгийн "Оюуны хөгжил" хувийн цэцэрлэгийн багш ийнхүү харгис хэрцгий хандан хүүхдийг "хоолоо идсэнгүй" гэх шалтгаанаар зоджээ.

Ажил албандаа дарагдсан эцэг эхчүүд хүүхдээ харах хүнгүйгээс болж хүний хүнд бяцхан үрсээ даатгахаас өөр аргагүйд хүрдэг. Гэтэл итгэж найдсан цэцэрлэгийн ажилчид, хүүхэд асрагчид санаанд оромгүй хэрцгийгээр хүүхдүүдийг зодож, шийтгэх явдал гарсаар байна.

Дундговь аймгийн Мэргэжлийн хяналтын газарт  Оюуны хөгжил хүүхдийн цэцэглэгийн багшийн ёс зүйтэй холбоотой дээрх гомдол иргэдээс ирсэн байна. Одоогоор дээрх гомдлын дагуу хууль хяналтын байгууллагатай хамтран холбогдох шалгалтыг хийж байгаа аж.