Д.Баяртогтох Гоёл-2016 наадмын “Шилдэг эрэгтэй загвар өмсөгч” боллоо

“Монгол модель” агентлагаас төрөн гарсан загвар өмсөгч Д.Баяртогтох Азийн шилдэг загвар өмсөгч наадамд оролцож Азийн топ модель болж байсан билээ. Тэрээр европ төрхөөрөө загварын тайзнаа ялгардаг бөгөөд 13 жил тайзнаа алхсан тэрээр эрэгтэй моделиуд  дундаа “акул”-уудын тоонд ордог юм.

Баяраа хамгийн сүүлд “Улаанбаатар” их дэлгүүрийн оруулж ирж байгаа “Cesar’s” брэндийн Монгол дахь нүүр царайгаар тодроод байгаа юм.

Өдгөө загварын тайзнаа алхаж байгаа тэрээр өчигдөр шилдгүүдээ шалгаруулсан “Гоёл-2016” наадмын тайзнаа “Cesar’s” брэндийн шагналыг хүртсэн бөгөөд мөн “Шилдэг эрэгтэй загвар өмсөгч” өргөмжлөлийн эзэн болсон юм. Шагналын хур буулгасан чадварлаг модельдоо баяр хүргэе.