Нара хандивын аян өрнүүлжээ

Дуучин Нара сайн үйлсийн аян өрнүүлжээ. Тодруулбал тэрээр н.Төмөрцэцэг гэх гурван хүүхдийн ээж хавдар тусаж, биеийн байдал муу байгаа учир дуучин Нара туслахаар "Нэг цэцэг, нэг амьдрал" сайн үйлсийн аян өрнүүлжээ.

Тус аяны хүрээнд "Maxmall" их дэлгүүрийн нэг давхарт Япон улс руу экстортлодог ноолууран ороолт /шаль/, хүүхдийн ноолууран бланкетыг бөөний үнээс хямдаар худалдаалж элэг шилжүүлэн суулгах зардалд зарагдсан бараа бүрийн орлогоос 1000 төгрөгийн хандивласан аж.

Дуучин Нара "Хагалгааны зардал болох 85 сая төгрөгнөөс одоогийн байдлаар 50 сая төгрөг та бүгдийн минь сайхан сэтгэлээр цуглаад байна.Үлдсэн 35 сая төгрөгийг цуглуулж хагалгаанд нь оруулчих юмсан" хэмээн цахим хуудаснаа нийтэлжээ. Өөрийн чадах бүхнийг бусдын төлөө харамгүй зориулж, хүчин зүтгэсэн уран бүтээлчээс үлгэр авах нь зүйтэй хэмээн олон нийт үзэж буй.