“Хит”-ын Давааням агсны хүү Даваадорж

Монголын хөгжмийн нэвтрүүлгийг орчин үеийн хэм хэмнэлд оруулахад өөрийн үнэтэй хувь нэмрийг оруулсан "Хит"-ийн Д.Давааням агсныг та бид сайн мэдэх буй.

Телевизийн хөгжмийн суваг хэмээх нэгэн төрөл жанрын өнгө, содон сонин донж агуулгыг тодорхойлж, алив уран бүтээлчийн оршин тогтнох эхлэлийг тавьж, уран бүтээлийн оргил өөд тэмүүлж яваа эрхмүүдийг олноо таниулсан нэгэн. Тэгвэл "Хит" нэвтрүүлгийг түүний хүү Д.Даваадорж үргэлжлүүлэх гэж байна. Тун удахгүй шинэчлэгдэн үзэгчдэд хүрэх тус нэвтрүүлгийг "TJ энтертайнмент"-тай хамтран хүргэх гэнэ.

“Хит”-ийн шинэ хөтлөгч Д.Даваадорж манай гэрэл зурагчны дуранд ийнхүү өртжээ. Тэрээр урлаг соёлынхонтой ойр байхаар шийдсэн учраас ийнхүү “Гэгээнтэн” театрт болсон нэгэн арга хэмжээнд зочлон ирсэн нь энэ юм.