Топ Г.Оюунгэрэл загварын тайзнаа алхах уу

Азийн хатан хаан өргөмжлөлийг хүртэж байсан загвар өмсөгч, мисс Г.Оюунгэрэл “Монросцветмет”-ийн Х.Бадамсүрэнгийн бага хүү Б.Бадрахтай ханилж, тэд хүүтэй болсон билээ.  БНСУ-ын алдартай загвар зохион бүтээгч Андрей Ким агсны ивээлд багтаж, загварын сургуульд нь сурахын зэрэгцээ томоохон агентлагт ажиллаж байсан Г.Оюунгэрэл ээж болсноос хойш нам жимхэн амьдрах болсон.

Гэхдээ тэрээр санаа нийлсэн хэсэг нөхдийн хамт сан байгуулан загварын арга хэмжээг зохион байгуулах ажлаар 2014 оны зун сангийнхаа үйл ажиллагааг танилцуулж байсан юм. Гэхдээ одоогоор тус сангийн талаарх мэдээлэл хомс байгаа юм.

Тун удахгүй “Гоёл” наадам эхэлнэ. Харин тэрээр загварын тайзнаа алхах үгүй нь одоогоор тодорхой бус хэвээр л байна. Бид түүнийг нөхрийнхөө хамт Чингис зочид буудалд нэгэн арга хэмжээнээс гарч байхад нь ийнхүү гэрэл зургийн дурандаа буулгасан юм. Тэрээр өнөөдөр ч тайзнаа гарсан сайхан хэвээрээ биш байна гэж үү.