Сонгодог бүтээгч эрхэм

Улсын драмын эрдмийн театрын Ерөнхий найруулагч Н.Наранбаатар бол яах аргагүй энэ цагийн шилдэг найруулагчдын нэг. Тэрээр дэлхийн алдарт бүтээлүүдийг ээлж дараалан тайзнаа тавьж ямархан чансаатай найруулагч гэдгээ нотлон яваа. “Гамлет”-ыг тайзнаа амилуулж, Төрийн соёрхолт хүртсэн тэрээр энэ удаад сэтгэлдээ олон жил тээж явсан мөрөөдлөө тайзнаа бүтээл болгон амилуулсан нь орчин цагийн “Ромео Жульетта” сонгодог жүжиг байлаа.

Энэхүү хайр дурлалыг магтан дуулсан алдарт бүтээл тавилт, тайз, гэрэлтүүлэг, хувцаслалтаараа өнөөгийн нийгэмд өнгө донжоо олон гялалзаж чадсан юм. Тэрээр жүжгийнхээ нээлтийн арга хэмжээнд манай гэрэл зурагчны дуранд ийнхүү өртжээ.