“Эрдэнэс Таван Толгой” ХК-ийн ажилтан өөрийгөө шатаалаа

“Эрдэнэс Тавантолгой” компанийн Үйлдвэрчний эвлэлийн дарга С.Эрдэнэ өөрийгөө шатаахыг завдав. Тодруулбал, тус компанийн ажилчид өнөөдөр 12:00 цагт Үндэсний мэдээллийн төвд “Эрдэнэс Тавантолгой” компанийн удирдлагуудынхаа эсрэг мэдээлэл хийсэн юм. Энэ үеэр тус хэрэг гарсан бөгөөд  ҮЭ-ийн дарга  С.Эрдэнэ хэвлэлийн хурал хийх үеэрээ “Эрдэнэс таван толгой” компанийн удирдлагууд ажилчдыг шилжүүлэх гэрээг англи хэлээр хийсэн. Дахиад 200 гаруй ажилтанг халах гэж байгаа. Залуучуудын өмнөөс би хариуцлага үүрнэ” гэж мэдэгдэл хийснийхээ дараа өөр рүүгээ гэнэт шүдэнз зурсан юм. Гал яах ийхийн зуургүй асч, газар авсан ч хамт мэдээлэл хийсэн хүмүүс ус цацаж, хувцсаараа цохиж унтраалаа.

Үндэсний мэдээллийн төв нь битүү унтаанд хучигдсан юм. С.Эрдэнийг ийнхүү өөрийгөө шатаасны дараа “Эрдэнэс Тавантолгой” компанийн байр руу явсан бөгөөд дөнгөж сая түүнийг 103-ын эмч нар эмнэлэг рүү авч явлаа.