Эрэлт ихтэй хөгжмийн зохиолч

Залуу хөгжмийн зохиолч Б.Одбаяр буюу Оки энэ онд уран бүтээл арвин, өсөлт, амжилттай яваа. Тэрээр “Гэгээн Муза-2014” наадмаас “Сэрүүн хасын нууц” жүжгийн хөгжмийн бүтээлээрээ шилдэг хөгжмийн зохиолчийн шагналыг өөрийн мэргэжлийн багш, Төрийн шагналт, УГЗ, хөгжмийн зохиолч Б.Шараваас хүртсэн байсан бол “Mongolian Academy Awards”-аас мөн өөрийн ажилласан “Үргээлэг” уран сайхны киноны хөгжмөөрөө мөн л шилдэг хөгжмийн зохиолчийн шагналыг хүртэж, амжилтаа бататгаад авсан юм.

Тэрээр сүүлийн үед киночдын дунд хамгийн эрэлттэй хөгжмийн зохиолч гэгдэж байгаа юм.