Victoria’s Secret сюрпризээ дэлгэв

Энэ оны 12 дугаар сарын 08-нд Нью-Йорк хотын “Плаза” зочид буудалд дотуур хувцасны Victoria’s Secret брэндийн шинэ цуглуулгын үзүүлбэр 20 дахь жилдээ болох юм. Уг шоуны бэлтгэл ажил өдгөө дуусах шатандаа орж байгаа аж. Удахгүй болох танилцуулгаараа сонирхогчдыг гижигдэхийн тулд тус брэндийн төлөөлөгчид сахиусан тэнгэрүүдийн өмсөж тайзан дээгүүр алхах зарим нэгэн хувцаснуудын загваруудыг үзүүлэхээр шийджээ.

Энэ жил үлгэрийн юм шиг мартагдашгүй загваруудыг толилуулах бололтой. Шоуны үдэш хөгжмийн зочдоор Рианна, Америкийн жүжигчин, дуучин Селена Гомес, Канадын дуучин Абель Тесфайе оролцоно. Энэ жил сахиусан тэнгэрүүдийн бүрэлдэхүүнд зарим нэг өөрчлөлт оржээ. Тус брэндийн супермоделиуд болох Лили Олдриж, Алессандра Амбросио, Адриана Лима, Бехати Принслу, Кэндис Свэйнпол нарын хамт тайзан дээр Катя Григорьева, Тэйлор Хилл, Эльза Хоск, Марта Хант, Моника Ягачак, Стелла Максвелл, Лэйс Рибейро, Сара Сампайо, Роми Стрийд, Ясмин Тукс нар гарна.