“Fashion Channel” гадны моделиудад гар татсангүй

Монголын загварын ертөнцөд цахиур хагалсан шоу тоглолтуудыг хийдэг “Mongolian Fashion Channel” энэ өвлийн ээлжит шоу тэсрэлтээ хийхээр товоо зарласан. Тэд ирэх арваннэгдүгээр сарын 14-нд “SNOW/2016 Fashion Show”-ыг “Crocus Event Hall”-д дэлгэхээр зэхээд байгаа юм байна. Өвлийн жаврыг танхимд сойн халуухан охид тайзнаа алхах энэхүү загварын хамгийн том шоунд алдарт “Victoria Secret”-ын сахиусан тэнгэр модель Alessandra Аmbrosio болон Италийн нэрт эрэгтэй загвар өмсөгч уригдан оролцох болсон гэнэ.

Дэлхийн моделийг дэргэдээсээ тольдох сайхан ч цагаа олоогүй сонголт байна гэж шүүүмжлэх хүн ч олон байлаа. Учир нь эдийн засаг хямралтай, хүндхэн байгаа энэ үед дотоодын моделиудаа дэмжих бус гадны модельд гар татахгүй байх нь хэр оновчтой санал байсан юм бол доо.

Сураг сонсох нь ээ, “Victoria Secret”-ын сахиусан тэнгэр модель Alessandra Аmbrosio чамгүй мөнгөөр тайзнаа алхдаг гэсэн шүү. Тэд загварын шоуг утгаар нь хийхээр зэхэж байгаа ч шийдэл л хэр оновчтой байсныг харах л үлдлээ дээ.