Дархан хотын хүндэт иргэн мисс Т.Батцэцэг

Азийн топ модель, Манжуурын мисс, Мисс Монголиа-2010 тэмцээний дэд байрын шагналт Т.Батцэцэг Дэлхийн гоо сайхны олимп гэгддэг “Дэлхийн мисс-2014″ тэмцээнд эх орноо төлөөлөн оролцсон. “Шилмэл загвар”агентлагт харьяалагддаг загвар өмсөгч  Т.Батцэцэг загварынхан толгой муутай, сурч мэдсэн зүйлээр нимгэн нөхдүүд гэдэг яриаг үгүйсгэсэн нэгэн. Тэрээр МУИС-ийг Олон улсын эрх зүйч мэргэжлээр төгссөн. Олон улсын чанартай нэлээн хэдэн тэмцээнд нь оролцсон тэрээр Дэлхийн мисс миний хамгийн сүүлчийн тэмцээн хэмээн хэлсэн юм.

Дархан хотын уугуул иргэн тэрээр хотынхоо 100 эрхэмийн тоонд багтжээ. Тэрээр хэлэхдээ: 

"Дархан хотын 100 эрхэм"-ийн тоонд багтсандаа маш их талархаж байна. Олон хүндэй ахмадуудтай хамт шагнуулж байгаа нь миний хувьд нэр хүндийн хэрэг бөгөөд улам их урам зориг надад өгч цаашдаа илүү их амжилт гаргах эрч хүчийг нэмж өглөө.Дархан хотын хүндэт номонд бичигдэж, Дархан хотын түүхэнд нэрээ үлдээж байгаадаа маш их баярлалаа... хэмээжээ.