Г.Ариунбаатар “Большой театр”-ын тайзнаа дуулна

Сонгодог урлагийн олимп гэгддэг П.И.Чайковскийн нэрэмжит олон улсын хөгжмийн наадмын тэргүүн байраас гадна “Гран При” шагналыг бахархалтайгаар хүртсэн Монгол Улсын дуурийн гоцлол дуучин Г.Ариунбаатар ирэх сард алдарт Большой театрын тайзнаа дуулахаар болжээ. Тэрээр өчигдөр өөрийн фейсбүүк хуудаснаа “Нарлаг сайхан байна. 11-10-нд Их театрын тайзнаа дэлхийн нэрт дуучин Елена Обрацова-гийн дурсгалд зориулсан хvндэтгэлийн концертонд алдартнуудтай 1 тайзан дээр дуулах нь” хэмээн Большой театрын гадаа авахуулсан гэрэл зургаа оруулсан байна.

Сонирхуулахад өдгөө Буриадын Улаан-Үүдийн театрын гоцлол дуучнаар уригдан ажиллаж байгаа тэрээр ирэх арванхоёрдугаар сард эх орондоо бие даасан тоглолтоо толилуулна гэсэн шүү.