Найруулагч Д.Галбаяр шуугиан тарихаар зэхжээ

Монголын кино урлагт нэгэн шинэ бүтээл мэндлэхээр зураг авалтаа эхлүүлжээ. Энэ бол найруулагч Д.Галбаярын “Шуугиан таригч” хэмээх шинэ кино юм байна. Тэрээр хамгийн сүүлд үзэгчдэд “Тагнуулч аав” киногоо дэлгэсэн юм. Инээдмийн төрөл жанраар уран бүтээл туурвидаг тэрээр өөрийн цахим хуудаснаа “Маш нууц киноны зураглалыг хараад залуучууд маань ямар гоё зураг авдаг болоо вэ гэж өөрийн эрхгүй бодсон. Гүенбаатар гэдэг залуутай хамтран ажиллана даа гэж бодоод гарч билээ. Тэгвэл ингээд дүүтэйгээ нэгэн шинэ кинон дээр ажилхаар зургаа эхлүүлээд явж байгаа нь сайхан байна” хэмээн бичжээ.

Түүний шинэ уран бүтээлд “Х-Түц” хамтлагийн жүжигчин Т.Бархүү, жүжигчин О.Долгар нар тоглож байгаа бололтой. Тун удахгүй “Шуугиан таригч”-дын тухай нууц задрах биз ээ.