Жүжигчин Н.Мөнхсоёл хайраа олов уу

Жүжигчин Н.Мөнхсоёл олны анхаарлын төвд байдаг сайхан бүсгүйчүүдийн нэгд зүй ёсоор тооцогдох болоод буй. Бараг л урлагийн тайзан дээр гарч амжаагүй байхдаа жүжигчин Б.Тамирын найз бүсгүй хэмээн олонд танигдсан тэрбээр сүүлийн үед нээлтээ хийж буй бараг л бүх кинонд дүрээ мөнхөлж, долоо хоног бүр цэнхэр дэлгэцээр үзэгчидтэйгээ уулзах болсон. 

Авъяаслаг үзэсгэлэнт бүсгүй маань сүүлийн үед фитнесээр хичээллэж бүр "хорхойтон" болсон гэнэ. Түүний фэйсбүүк хуудсаар зочилбол спортлог зураг дийлэнх болсон нь хэр их шимтсэнийг илтгэх биз. Харин нэг зургийг хүмүүс ихэд олзуурхан "Соёлоо хайраа олов уу" хэмээн шивнэлдэж байгаа сурагтай. Тэрхүү зурганд Н.Мөнхсоёлыг эвлэгхэн тэвэрч дотно гэмээр харагдсан тэр бадриун залуу жүжигчин бүсгүйн дурлалт залуу юу гэх хардлага олон хүнд төрөөд амжжээ. Юутай ч хувийн амьдрал нь тэр бүр тогтворгүй гэж хэл аманд өртдөг жүжигчин бүсгүй маань хайраа олсон бол урт удаан, аз жаргалтай амьдралыг ерөөе.