Гавьяат тамирчин Б.Наранбаатарын АНУ-д ажиллаж, амьдрах уу

Спортын бэлтгэлийн төвийн захирал, Гавьяат тамирчин Б.Наранбаатар албан ажлаа өнгөрсөн гуравдугаар сард хүлээлгэж өгсөн юм. Тэрбээр ажлаа өгөх болсон шалтгаанаа засаг солигдож, бүтцийн өөрчлөлтөөр ажлаа өгөх болсон хэмээн тайлбарладаг ч зарим нэг нь улс төрийн шахалтаар ажлыг нь өгүүлсэн гэх юм билээ. Харин энэ талаар тэр нарийн тодорхой мэдээлэл өгөхгүй гэдгээ хэлсэн. Одоогоор амралтын байдалтай байгаа тэрбээр ирэх намраас гэр бүлээрээ АНУ-д очиж ажиллаж, амьдрахаар бослон тухайгаа ярьж байсан ч өдгөө эх орондоо байгаа юм.

 

Түүний хувьд 2008 онд МУИС-ийн Хуулийн ангийг дүүргэсэн бөгөөд спортоос гадна хуулийнхаа мэргэжлээр ажиллах бодолтой байгаа гэнэ. Тиймээс өнгөрсөн хугацаанд хэлний бэлтгэл, сургуулилтад сайн суусан гавьяат маань ийнхүү гадаадад мэргэжил дээшлүүлэхээр болжээ. Гэхдээ тэрээр  одоогоор их спортоос зодог тайлаагүй байгаа бөгөөд энэ тухай “Албан ёсоор зодог тайлах ёслол хийнэ. Гэхдээ хугацааг нь товлоогүй. Ер нь бол аливаа зүйл цаг хугацаатай шүү дээ” хэмээн ярьж байсан юм.