“Азийн супер модель 2015” тэмцээн амжилттай болж өндөрлөлөө.

Азийн супер модель 2015  тэмцээн 2015 оны 08-р сарын 7-30ны өдрүүдэд Хятадын аялал жуулчлалын томоохон төв болсон Гуйлин болон Наннинг хотуудад амжилттай зохион байгуулагдсан бөгөөд Манай улсаас Модель Б.Чинзориг , Т.Солонго-Уянга нар амжиллтай оролцон эх орондоо ирлээ.

Энэ тэмцээн нь 10 дахь жилдээ зохион байгуулагдаж буй бөгөөд Шилмэл Загвар Ордны  Шилмэл модель Агентлаг 7 дахь жилдээ  албан ёсны эрхтэйгээр оролцож байгаа юм.

Энэ жилийн тэмцээн урьд урьдын тэмцээнүүдээс онцлог ялгаатай байсан ба нийт 10 улсаас  1 эмэгтэй, 1 эрэгтэй модель оролцож,  телевизийн шоу хэлбэрээр зохиогдсон бөгөөд   Хятадын Гуаниши Тв-ээр 1 сарын сарын турш цацагдах юм.

Модель Б.Чинзориг  photogenic номинацид түрүүлсэн бөгөөд Т.Солонго-Уянга  dynamic  номинацид шалгарсан юм.

Мөн  Шилмэл Загвар Ордны  Шилмэл модель Агентлагаас Азийн супер моделийн тэмцээнд шагнал авсан  моделиуд  тун удахгүй болох  China fashion Week-д  оролцохоор явах гэж байна.