Л.Эрдэнэчимэг гишүүний “Дорнын гоёл”

УИХ-ын гишүүн Л.Эрдэнэчимэг “Монос” группийн дэд ерөнхийлөгчөөр ажиллаж байгаад УИХ-д нэр дэвшин парламентад суух болсон. Тэр ч утгаараа “Монос” хэмээх нэр өнөөдрийг хүртэл түүний нэртэй байнга л хамт бичигддэг. Гишүүн нь ч үүнийг эсэргүүцээд байдаггүй.

Тэгвэл тэрээр саяхан болсон “Монос” группийн 20 жилийн ойд хүндэт зочноор уригдан оролцсон юм. Эрхэм гишүүний энэ удаагийн сонголт “Дорнын гоёл” байлаа. Азийн хээ хуарыг шингээсэн баатар эрсийн баг бүхий нарийн чимхлүүр угалзтай, ханцуйгүй даашинз нь тод цэнхэр дуфльтэй нь төгс хосолж байсан юм.