С.Жавхлангийн дэггүйтэл

МУГЖ дуучин С.Жавхлан саяхан Хамаг Монгол төслийн хүрээнд Шиньжян Уйгар ахан дүүсдээ зочилж нүсэр тоглолт хийгээд ирсэн сурагтай. Тэрээр өөрийн нутгийн дуучид болох Л.Болдбаатар, Ноён Бондгор нарын хамт очсон бөгөөд цагаан хадаг сүүгээр угтуулж, хүндлэлийн дээдийг амсаад ирэв гэнэ.

Монгол түмний хайртай дуучин маань гадаад оронд очоод Бондгор дүүгээ эрхлүүлж чихэр хүртэл авч өгөөд, өөрөө харин хүүхэд насаа дурсан хөөс үлээн тоглож буй зураг нь олон нийтийн сүлжээгээр тархаж, сонсогч фэнүүд нь өхөөрдөн хөөрөлдсөн гэнэ. 

Дэлхийн дайтайд буй Монгол зон олон, ахан дүүсээ нэгтгэх эрхэм зорилгыг өвөртлөн яваа МУГЖ С.Жавхлангийн санаж хүссэн сайхан үйлс бүхэн нь дэлгэрч, үргэлж өөдөө өсөн дэвжихийн өлзийт ерөөлийг өргөн дэвшүүлье.