Эр хүний тал дээр “том асуудалтай” загвар өмсөгч С.Төгс

Монголын үлгэр жишээ сайхан хосуудын тоон багтаж, үргэлж олны анхаарлын төвд явсан модель С.Төгс, С.Эрдэнэцогт нар салаад багагүй хугацаа өнгөрч байгаа. С.Эрдэнэцогт шөнийн цэнгээний газар тайчигч бүсгүйтэй зугаацаж байх үед авахуулсан зургаас болж тэр хоёрын салах үндэс бүрдсэн гэлцдэг. Гэвч салсан хойноо хэсэгтээ л бие биенээ мэдээллийн хэрэгслээр газар дор ортол нь муулж гарсан.

Аргагүй л моделиуд гэсэндээ салахдаа хүртэл сенсаци тарьсан. Үүнээс хойш С.Төгс охиноо өөр дээрээ авч, өөрөө өсгөхөөр болсон бөгөөд удалгүй мөн л мэргэжил нэгт загвар өмсөгч Ч.Сүбэдэйтэй нэр холбогдож, дотно харилцаатай болсон. Гэвч тэдний аз жаргалтай үерхэл тийм ч урт удаан байсангүй. Учир нь Ч.Сүбэдэй золгүй байдлаар амиа алдаж С.Төгс төдийгүй олон охидын сэтгэлд шар ус хуруулсан. Эд хийж бүтээх насан дээрээ явсан сайхан залуу С.Төгсөөс нэг л өдөр яваад өгсөн. Тиймдээ ч С.Төгсийг загварынхан дундаа хайр дурлалын асуудал дээрээ хамгийн азгүй нь гэлцдэг болжээ.