Шадар сайд хэн болох вэ?

Шударга ёс эвслийн зүгээс 2 сайдыг томилох шийдлийг авчихсан бололтой. Нэгд шадар сайд. Уг сайдын суудалд хэд хэдэн хүний нэр яригдаж байна. Н.Энхбаяр шадар сайд болно гэх таамаглал бий. Гэвч Н.Энхбаяр нь шадар сайдаар ажиллаж нэр хүндээ доош нь оруулахгүй бололтой. Харин Түүний ганц зорлиго нь Өршөөлийн хуулийн хүрээнд бий болж байгаа боломжийг бүрэн ашиглах. Үүний тулд Ерөнхийлөгчийн тавьсан хоригийг УИХ хүлээн авахгүй гэж шийдүүлэх. Үүний тулд засагт орох асуудлыг сунжруулж байгааг ойрын эх сурвалж өгүүлж байна.

Харин шадар сайдад Э.Батшугар, Л.Цог гэсэн эрхэмүүдийн нэр дуулдаж байна. Аав нь хүсвэл Э.Батшугар шадар сайд болж болно. Гэхдээ Н.Энхбаяр хүүгийнхээ цаашдын улс төрийн замналд сэв суулгахгүйн тулд энэ удаад уг албан тушаалд хүүгээ зүтгүүлэхгүй байх гэсэн яриа намынхан дунд нь явж байна. Харин Л.Цог гишүүний хувьд Шадар сайд болох сонирхол маш их бий. Ийм ч учраас Н.Энхбаяр даргыгаа Солонгост байхад нь хүртэл ойрхон очиж уулзсан гэх мэдээлэл бий. Гэхдээ Шадар сайдыг МАХН дангаараа хэн болохыг шийдэхгүй. Хамтрагч МҮАН-аас санал асуух ёстой. Тус намын дарга М.Энхсайхан хэрхэн найр тавихаас хамаарна. Гэхдээ л улс төрийн зураглалаар болж МАХН-аас шадар сайд томилогдох бололтой.

Мөн шударга ёс эвслийн зүгээс Байгаль Орчин ногоон хөгжил аялал жуулчлалын яаманд сайд томилох ёстой. Уг яамыг Н.Энхбаяр бодлогоор авч байгаа гэсэн мэдээлэл байна. Үүний тулд тус намд өөрийн хүнээ зайлшгүй тавих байх. Одоогоор Р.Тулга, З.Батбаяр гэсэн хоёр залуугийн нэр дуулдаж байна. Р.Тулга нь 2012-2014 онд тус яаманд дэд сайдаар ажиллаж байсан. Доривтой, томоохон шийдвэрийг гаргахад оролцсон гэх яриа бий. Гэхдээ салбараа бүрэн дүүрэн судлаж, Монгол орны байгаль орчны асуудлыг шийдэх гарц гаргалгааны талаар яриагүй гэх шүүмжлэл түүнийг дагаж байна. З.Батбаяр бол Усны газрын орлогч даргаар багагүй хугацаанд ажиллаж байсан. Олон нийтийн зүгээс Усны Батбаяр гэгч дуудах нь элбэг. Байгаль орчны салбарт хүлээн зөвшөөрөгдсөн хүн. Тус салбарынхан хэрэв З.Батбаяр сайд болчихвол тун сайн гэх явган яриаг үүсгээд авчээ. Энэ хоёроос гадна МҮАН өөрийн хүнээ тус яаманд тавих гэж зүтгэх нь гарцаагүй. Иймээс эхний ээлжинд Шударга ёс эвсэл дотроо хэнийг хаана суулгахаа шийдэх учиртай. МАХН хоёр сайдын суудалд хүн томилчихоод дэд сайдын сууда