Жанна Фриске хорт хавдраар нас барлаа

Оросын нэрт дуучин,секс симбол гэгддэг Жанна Фриске 40 насандаа тархины хорт хавдрын улмаас нас барлаа. Дуучныг нас барсан тухай мэдээллийг эцэг нь баталсан байна.

2014 оны эхээр тархины хорт хадвартай гэж оношлогдсон бүсгүй АНУ-д хагалгаа хийлгэж,улмаар Германд нөхөн сэргээх эмчилгээнд хамрагдаж байсан юм. Сүүлийн хэдэн сар тэрээр Москвагийн ойролцоох гэртээ нөхөр,ТВ-ийн хөтлөгч Дмитрий Шепелев,хүү Платоныхоо хамт амьдарч байжээ.

Өнгөрсөн долоо хоногт түүнийг Москвагийн эмнэлэгт хэвтэн эмчлүүлж байсан тухай эх сурвалжууд мэдээлж байна.Түүнд туслах хандивын аян өнгөрсөн жил Орос орон төдийгүй дэлхий даяар өрнөж 66 сая рубль цуглаж байжээ.

Дуучин бүсгүй харин фенүүддээ талархал илэрхийлээд түүний төлөө хандивласан энэ мөнгийг хорт хавдар өвчнөөр шаналж байгаа хүүхдүүдэд зориулахаа мэдэгдэж байсан. Дуучны эцэг энэ мөнгөөр хүүхдэд туслах сан байгуулахаа амалжээ.