Ф.Киркоровын олноос нууцалсан үнэнийг охин нь сэтгүүлчдэд дэлгэв

Филипп Киркоров сэтгүүлчдийг хотоос зайдуу гэртээ урьж, ахуй амьдралаа танилцуулжээ.

Түүний байшинд гэр бүлийнхнээс нь гадна хамаатнууд нь амьдардаг аж. Киркоровын байшин гурван давхар бөгөөд тавтай тухтай амьдрах бүх нөхцөл бүрджээ.

Тэнд амьдарч байгаа Киркоровын авга ах,эгч, хоёр хүүхэд дээд зэргийн тансаг амьдарч байгааг сэтгүүлчид онцолжээ. Гадна талбай тохилог гэдэг янзтай. Спортын талбай бүхий парк, хүүхдийн тоглоомын талбай гээд дутуу юм тэнд үгүй.

Дуучин өөрийнхөө өрөөг танилцуулах үед сэтгүүлчид орныхоо толгой дээр Алла Пугачевагийн хөргийг залсны учрыг асуухад “Тэр бол миний урлагийн бурхан тэнгэр” гэжээ.

Түүнээс гадна Киркоровын гурван настай охин Алла-Виктория сэтгүүлчдэд нэгэн нууцыг дэлгэсэн байна. Хүүхдүүдийнх нь тээгч эх тэдэнтэй хамт амьдардаг аж.

Нэр нь Наташа гэдгийг ч охин шулганан ярьжээ. Киркоровын хэдэн жил олноос нууцалж явсан үнэнийг ийнхүү охин нь ил болгосон байна.