Ливерпуль даяар Жон Ленноны 75 насны ойг тэмдэглэнэ

Ливерпуль бол нэрт дуучин,хөгжимчин Жон Ленноны төрсөн хот. Дэлхийн хөгжмийн түүх,рок попын ертөнцөд нэр нь домог мэт алдаршсан Ленноны төрсний 75 насны ой ирэх намар тохионо.

Мартаж үл болох тэмдэглэлт өдрөөр Битлз хамтлагийн дуунууд тэр дундаас Let It Be мюзикл онцгойлон тоглогдоно.

Тоглолт тус хотын Royal Court театрт 10 дугаар сарын 8-наас 11 дүгээр сарын 14 хүртэл болно. Let It Be-ийн анхны тоглолтууд 2012 оноос эхлэн Англи орон даяар болж,олны талархлыг хүлээсэн байна.

The Beatles хамтлагийн түүх,хамтлагийн ахлагч Жон Ленноны амьдрал,уран бүтээлийг өгүүлсэн шоу тоглолт дэлхийн 50 гаруй хотод зохион байгуулагджээ. Тоглолтыг Битлзийн алдарт дуу «Let It Be»-ээр нэрлэсэн учиртай гэж зохион байгуулагчид ярьжээ.