“Honeymoon” хамтлагийн бүсгүйчүүд анхны бие даасан цомгоо гаргах нь

Байгуулагдсан цагаасаа хойш өнөөдрийг хүртэлх хугацаанд хоёр ч гишүүнээ солиод байгаа “Honeymoon” хамтлагийнхан шинэ уран бүтээлүүдээ эрчимтэй гаргаж эхэлсэн.

Рок попын ертөнц дэх охидын цөөхөн хэдэн хамтлаг дотроос өөрсдийн гэсэн стиль имиж, дуу хоолойгоороо ялгарч чадсан бүсгүйчүүд маань “Бал сар” хэмээх сонирхолтой нэрэндээ тохирохуйц энхрий ялдам, авьяаслаг байхыг хичээдэг гэнэ лээ. 

 

Хамтлагийнхаа бүрэлдэхүүнд өөрчлөлт хийж, хуучин гишүүнийхээ оронд өөр нэгэн үзэсгэлэнтэй бүсгүйг сонгосон тэдний хувьд тун удахгүй анхны бие даасан цомгоо гаргахаар болжээ.

“Honeymoon” хамтлагийн анхны цомог өнгөрсөн сард бэлэн болсон бөгөөд өдгөө хэвлэлтээс ирэхийг нь хүлээж байгаа юм байна. Энэхүү цомогт нь тэдний сонсогч фэнүүддээ хүргэсэн хуучны бүх дуунуудаас нь гадна цоо шинэхэн зургаан бүтээл нь багтсан ажээ.