Мадонна ганц зураг тавиад л еврейчүүд, лалынхныг хэрэлдүүлчихлээ

Ганцхан зураг интернэт хэрэглэгчдийн хоёр хуваачихлаа. Дуучин Мадонна сүлжээнд ганц зураг тавьсан биш еврейчүүд, лалынхан, хуучинсаг үзэлтүүдийг хооронд нь хэрэлдүүллээ.

Үнсэлцэх гэж байгаа энэ хоёр эрийн зургийг хэн ч харсан еврей ба араб гэдгийг шууд танихаар байгаа биз. Нэг нь сүлжсэн үстэй, харин нөгөө куфи хэмээх арабуудын  толгойн гоёлтой байна.

Мадонна энэ зурагтаа #rebelhearts (үймээн самуун дэгдээгч зүрхүүд) гэсэн хэштег хийжээ. Ганцхан хоногийн дотор энэ еврей, араб хоёр нийт 60 мянга гаруй лайк, 2000 гаруй коммент авчээ.

Эхний 300 комментын лав 100 нь "What the f**k?" гэжээ. Тэртэй тэргүй дайсагнагч ард түмнүүдийг доромжилж, улам хүчтэй сөргөлдүүлэх гэлээ гэж тэд Мадоннаг буруушааж байна.

Өөрөөр хэлбэл, еврейчүүд, арабчуудын зөрчил дээр ижил хүйстнүүдийг үзэн ядагчид нэмэгджээ. Зарим нь бүр Мадоннаг хаягаасаа хасч байгаагаа мэдэгдэв.