АЖ А.ДОЛГОРЫН БАГА ХҮҮ - ЭЭЖИЙН ХҮҮ

Монгол улсын Ардын жүжигчин, Төрийн соёрхолт А.Долгор саяхан болсон нэгэн арга хэмжээнд бага хүүгийн хамт ирэхдээ бидний папараци дуранд өртлөө. Үзэсгэлэнтэй, авьяаслаг, Монгол бүсгүйчүүдийн үлгэр дууриал болсон тэрээр өөрийн бага хүүгээ аливаа арга хэмжээ, баярт байнга дагуулан явдаг, дуучны “амины” хүү нь юм. Түүний хүүг Б.Мөнхманлай гэдэг бөгөөд хамгийн бага хүү нь. Тэрээр өндөр боловсролтой,хувийн бизнес эрхэлдэг, хөгжмийн өндөр мэдрэмж, авьяастайгаас гадна Хөгжим Бүжгийн Коллежийн төгөлдөр хуурийн ангийг дүүргэжээ. Продюссерийн чиглэлээр АНУ-ын Нью-Йорк хотноо суралцах болсон тэрээр аав, ээжийн удмыг залгаж, генийг гайхуулах урлагийн шилдэг боловсон хүчин болох нь гарцаагүй юм. Ээжтэйгээ тун чиг адилхан тэрээр бусад олны танилуудын хүүхдүүдийн адил өөрийгөө “PR”-ддаггүй даруухан нэгэн билээ. Түүний аав нь Төрийн соёрхолт, хөгжмийн зохиолч Билэгжаргал гэдгийг та бүхэн мэднэ. Ардын жүжигчин ээж, Төрийн соёрхолт аавтай түүнд хөгжмийн болоод, урлагийн хангалттай “суурь” байгаа нь ойлгомжтой.